التحقير من اي شخص قد ياتي بنتائج عكسيه

من طرف **alw7eed** الأحد يونيو 29, 2008 12:36 pm

دخلت للصلاة في يوم وكنت متأخر فلم الحق بالجماعة الاولي ووجدت جماعة ثانيه في المسجد عبارة عن فردين امام ومصلي أخر
فذهبت لأجذب المصلي الاخر لنكون صف خلف الامام ولكن الاخ اللي كنت بحاول أشده للخلف كان بيه شوية عته او عقله علي أده ومرضيش يجيى معايا وانا اشده وهو متمسك ومش عايز يتحرك في ألاخر راح نظرلي وقلي عوزني اروح فين قلتله تعالي هنا وشديته للخلف ووقفت للصلاه وشويه لقيت الاخ الجنبي راح شد الامام وجابوا جنبنا تاني
فخرجت من الصلاه وانا ميت علي نفسي من الضحك
لكن المفجأة
ان الاتنين اللي كانوا وقفين جنب بعض وانا شديت منهم واحد كانوا في الاصل بيصلوا وراء امام في الامام وانا لم جذبت الاخ للخلف مسافه وهو بدوره جذب التاني اصبحت المسافة بينهم وبين الامام الاصلي طويله
يعنى الامام الاصلي في اول المسجد والمصلين في اخر المسجد